ابڙو اڪيڊمي Abro Academy
2020-07-22
داخلا نمبر 602
عنوان تَلير، وھيو
شاخ پکي
پڙهيو ويو 380
داخلا جو حوالو:
هن داخلا جون تصويرون نه مليون
20 سينٽي ميٽر (8 انچ) جسامت واري ھن پکيءَ جا نَرماد ھڪجھڙا ٿين ٿا. گــھري ناسي رنگ جو ھوندو آھي، جنھن جي کنڀن جون ڪناريون ھلڪي رنگ جون ھونديون آھن. عام طور تي گاھير علائقن ۾ ۽ وڻن تي ڏسبو آھي. وڏا ولر ٺاھي وڻن تي آرام ڪرڻ سبب نمايان ھوندو آھي. شھرن ۽ ڳوٺن جي ويجھو رھڻ سکي ورتو اٿس. ٽڙپکڙ ڪالونيون ٺاھي افزائش نسل ڪندو آھي. تيز ۽ ڊگھي چھنب سان جيت ۽ ڪينئان کائيندو آھي. تلير وڻن جي پور ۾ ، ٽَڪرين جي سوراخن ۾ ، گھرن ۾ يا کوکن ۾ پيالي نما آکيرو ٺاھيندو آھي. يورپ ، ايشيا ۽ آمريڪا ۾ به ملي ٿو. ڪنھن حد تائين لاڏوڻي آھي.